Pijnwis

Francisco Álvarez Martínez
arzobispo católico Diócesis: Archidiócesis de Toledo arzobispo de Toledo Obispo de Calahorra y La Calzada-Logroño Obispo de Tarazona Obispo de Orihuela-Alicante Cardenal 21 febreru 2001 -
Vida
Nacimientu	Ferroñes, 14  de xunetu de 1925 (94 años)
Nacionalidá	España
Estudios
Estudios	Universidá Pontificia de Salamanca Universidá Pontificia Comillas
Llingües	castellán
Oficiu
Oficiu	teólogu y sacerdote católicu
Participante Cónclave de 2005
Creencies
Relixón	Ilesia Católica

Francisco Álvarez Martínez (Ferroñes, conceyu de Llanera, Principáu d'Asturies, 14 de xunetu de 1925) ye un cardenal español que foi Primáu d'España ente 1995 y 2002.

Biografía[editar | editar la fonte]

Primeros años[editar | editar la fonte]

Foi ordenáu sacerdote en Uviéu, el 11 de xunu de 1950. Fixo los sos estudios nel seminariu diocesanu d'Uviéu y los de doctoráu en derechu canónicu nes universidaes pontificies de Salamanca y Comillas.

Obispu[editar | editar la fonte]

Preconizáu obispu de Tarazona el 14 d'abril de 1973, tomó posesión y recibió la ordenación episcopal na catedral de Tarazona de manos de Luigi Dadaglio, nunciu apostólicu de la Ilesia católica n'España, el 3 de xunu de 1973.

El 7 de xunetu de 1975 foi nomáu alministrador apostólicu de la diócesis de Calahorra y La Calzada-Logroño, tomando posesión el 13 del mesmu mes. El 20 d'avientu de 1975 foi preconizáu obispu de la mesma diócesis, de la que tomó posesión el 16 de xineru de 1977.

El 12 de mayu de 1989 foi treslladáu a la diócesis de Orihuela-Alicante, de la que tomó posesión el 17 de xunu del mesmu añu.

Designáu pa ocupar la sede primada de Toledo'l 23 de xunu de 1995, toma posesión de la so nueva archidiócesis el 24 de setiembre del mesmu añu. El 26 de xunu de 1996 foi nomáu alministrador apostólicu de Cuenca hasta'l 15 de setiembre.

Cardenal[editar | editar la fonte]

Ye creáu y publicáu cardenal de la Santa Ilesia Romana, del títulu de Santa María "Reina de la Paz" en Monte Verde, por Xuan Pablo II, nel consistoriu del 21 de febreru de 2001.

Miembru del Conseyu Pontificiu pa los Laicos y del Conseyu Pontificiu pa la Promoción de la Unidá de los Cristianos. Pertenez al Conseyu de Presidencia y a la Comisión Permanente de la Conferencia Episcopal Española.

El Papa aceptó'l so arrenunciu por edá'l 24 d'ochobre de 2002.

Na so condición de cardenal participó nel cónclave qu'escoyó a Benitu XVI.

Referencies[editar | editar la fonte]

• catholic-hierarchy

Predecesor: José Méndez Asensio	Obispu de Tarazona 1973-1976	Socesor: Victorio Oliver Domingo
Predecesor: Abilio del Campu y de la Bárcena	Obispu de Calahorra y La Calzada-Logroño 1977-1989	Socesor: Ramón Búa Oteru
Predecesor: Pablo Barrachina y Estevan	Obispu de Orihuela-Alicante 1989-1995	Socesor: Victorio Oliver Domingo
Predecesor: Marcelo González Martín	Arzobispu de Toledo Primáu de España 1995 - 2002	Socesor: Antonio Cañizares Llovera