Pijnwis

'O Baianese è nu territorie d''a pruvincia 'e Avellino, dint a ll'agro nolano.

'A pusizzione d''o Baianese int''a pruvincia 'e Avellino

Comune d''o Baianese[càgna | càgna surgente]

'O Baianese è cumposto d'a seje comune: Baiano ('a 'ccà piglia 'o nomme), Avella, Mugnano d''o Cardinale, Quadrelle, Sirignano e Sperone.

Cullocazione giugrafeca[càgna | càgna surgente]

'O Baianese se trova dint'a parte chiù occidentale d''a pruvincia 'e Avellino, ô cunfine cu chella 'e Napule e giugraficamente fa pparte 'e ll'agro nolano. 'E comune d'e suje fanne parte d''a Comunità Montana Vallo di Lauro e Baianese, 'a parte settentrionale 'e chesta è cumposta propio d''o Baianese. 'E centre abitate se trovano 'n parte 'n chiana (Sperone, Baiano e 'n pparte 'n cullina ('a pparte auta 'e Avella, Sirignano, Quadrelle e Mugnano d''o Cardinale). D''o Baianese fanno pparte pure 'e Munte Avella, ca 'nturniane 'o territorio a nord e a est.

Vicinanza d''e comune[càgna | càgna surgente]

'O Baianese tene 'na cosa speziale rispetto ô resto d''a pruvincia 'e Avellino: si dint a ll'Avellinese 'e centre abitate songo luntane assaje une 'a ll'ate (a vvote 'a distanza nfra dduje paese vicine arriva pure a 10 km), 'e comune d''o Baianese songe aunite nfra 'e llore, furmanne accussì 'na specie 'e unneco comune ca cunta chiù o meno 25 mila abitante.

Dialetto baianese[càgna | càgna surgente]

'O Baianese è fortemente 'nfruenzate d''a cultura partenopea: nfatte 'o dialetto parlato d''a ggente soja è chiù vicine 'o napulitano ca 'a ll'avellinese, cu d''e differenze piccerille dint 'a conjugazione 'e quacche vierbo.

Storia recente[càgna | càgna surgente]

'O Baianese è state nu mannamento (cu capoluoco a Baiano) d''a Pruvincia 'e Terra 'e Lavoro d''o 1715 ô 1861, data 'e ll'Aunità d'Italia e, 'a chill'anne nfìn ô 1923 (data 'e ll'abolemiento d''o mannamento comme suddivisione ammenestrativa) d''a pruvincia 'e Avellino. 'A chillu punte chistu territorie è rummaste dint 'a chesta pruvincia, pure si cu quacche polemeca ('a quasi totalità d''e abitante 'e ll'Avellinese nun vere 'e buon uocchio 'e "Baianise", ritenennole chiù napulitane che cumpaesane llore). Pe chistu mutive, ciert politice lucale 'ncàsane pe ll'adesione d''o territorio â penzata pruvincia 'e Nola, dato ca c'è pure 'a piena approvazione d''e politice nolane.

"Baianise" celebbre[càgna | càgna surgente]

• Nicola Canonico, attore, nativo 'e Avella;
• Emanuele D'Anna, calciatore d''o Pisa, nativo 'e Baiano;
• Francesco Dell'Anno, ex-calciatore, nativo 'e Baiano;
• Felice Prevete, calciatore d''o Empoli F.C., nativo 'e Battipaglia e rigginario 'e Baiano.
• Ivo Vetrano, ex-calciatore, nativo 'e Baiano.

Curiosità[càgna | càgna surgente]

Tutt' 'e comune d''o Baianese, pur ca se trovene 'n pruvincia 'e Avellino, hanno tutte comme prefisso telefonico 081, 'o prefisso d''a pruvincia 'e Napule.